စစ်တွေမှာ ဆရာတော် ဦးဥတ္တမရုပ်ပုံပါ တီရှပ်တိကို ၀တ်ဆင်သူ အနည်းဆုံး လူငယ် ၆ ဦးဖမ်းဆီးခံထားရ

9/12/2008
နရဉ္စရာသတင်းဌာန
ရခိုင်ပြည်နယ် စစ်တွေမြို့မှာ ဦးဥတ္တမ ရုပ်ပုံပါ တီရှပ်များကို ၀တ်ဆင်သဖြင့် အနည်းဆုံး လူငယ် ၆ ဦးဖမ်းဆီးခံထားရကြောင်း စစ်တွေမြို့ခံ တဦးက ပြောသည်။

သူက “အနည်းဆုံး ၆ ဦးဖမ်းဆီးခံထားရပါတယ်။ ၂ ဦးကတော့ ရွာကြီးမြှောက် ရပ်ကွက်က ဖြစ်ပြီး ရူပတောင်က တဦး၊ ရွာကြီးတောင်က ၁ ဦးနဲ့ ကျန် ၂ ဦးကိုတော့ မသိရှိရသေးပါ။” ဟုသူက ပြောသည်။

သူတို့ကို အမှတ် (၁) ရဲစခန်းက ဒုရဲအုပ် ခင်မောင်လှ ဖမ်းဆီးခေါ်ဆောင်သွားခြင်း ဖြစ်ပြီး ယခုအခါ မည်သည့်နေရာတွင် ရှိနေကြောင်းကို သတင်းမရရှိကြောင်း သူကပြောသည်။

ရဲတပ်ဖွဲ့နှင့် နီးစပ်သော သတင်းရပ်ကွက် အရ သူတို့ကို နေရာတခုတွင် ဖမ်းဆီး စစ်ဆေးနေပြီး အထူးသဖြင့် ဆရာတော် ဦးဥတ္တမ ရုပ်ပုံပါ တီရှပ်များကို မည်သူများက ဦးဆောင် ဖြန်ဝေခဲ့သည် ဆိုသည့်အချက်ကို မေးမြန်းနေကြောင်း သိရှိရသည်။

၎င်းအပြင် ရိုးမ ပန်းချီဆိုင်မှ လူငယ် တဦးကိုလည်း ဆရာတော် ဦးဥတ္တမ ရုပ်ပုံပါ အကျီ်ကို ၀တ်ဆင်မှုကြောင့် ဖမ်းဆီးခဲ့ပြီး နောက်ပိုင်းတွင် ပြန်လည် လွတ်ပေးခဲ့သည်။

ရခိုင်စည်တော် စိုင်းန္ဒြားတီးဝိုင်းမှလည်း အနည်းဆုံး လူငယ် ၃ ဦးကို ရဲတပ်ဖွဲ့ဝင်များက ဆရာတော် ဦးဥတ္တမ အကျီင်္နှင့် ပတ်သက်ပြီး စစ်ဆေးမေးမြန်းမှုများ ပြုလုပ်ခဲ့သည်။

စစ်တွေ အမှတ် (၁) ရဲစခန်းက ဒုရဲအုပ် ခင်မောင်လှမှ ဦးဆောင်ပြီး ဆရာတော် ဦးဥတ္တမ ရုပ်ပုံပါ တီရှပ်များကို ၀တ်ဆင်သူများထံက လိုက်လံသိမ်းဆည်းနေပြီး စက်တင်္ဘာလ ၁၀ ရက်နေ့က လမ်းသွားလမ်းလာများကို တားပြီး ဦးဥတ္တမရုပ်ပုံပါ အကျီင်္များကို အတင်းချွတ်ခိုင်းကာ သိမ်ဆည်း ယူသွားကြောင်း သိရှိရသည်။