ဦးဥတ္တမနေ့ အထိမ်းအမှတ် ရခိုင်လူငယ်များ လှုပ်ရှား

အေးလဲ့ | စက်တင်ဘာ ၁၀၊ ၂၀၀၈

ဧရာဝတီသတင်းဌာန
ရခိုင်ပြည်နယ်ရှိ တောင်ကုတ်နှင့် စစ်တွေမြို့များတွင် လုံခြုံရေးအထူးတင်းကျပ်ထားသည့်ကြားမှ ရခိုင်အမျိုးသား ရဟန်း အာဇာနည် ဆရာတော် ဦးဥတ္တမနေ့ အထိမ်းအမှတ်အဖြစ် ဆရာတော် ရုပ်ပုံပါရှိသည့် T-shirt များဝတ်ဆင်၍ လှုပ်ရှားမှုများ ပြုလုပ်ခဲ့ကြောင်း သိရသည်။

တောင်ကုတ်မြို့တွင် ကျေးလက်ဒေသများအထိ အာဏာပိုင်များက လုံခြုံရေး အထူးတင်းကျပ်ထားသော် လည်း ဦးဥတ္တမနေ့ အထိမ်းအမှတ် လှုပ်ရှားသူ ၂၀၀ နီးပါးက ဇီးကိုင်းတောင်ဘုရား၊ ကင်းတောင်ရွာနှင့် ဆားပြင်ရွာများတွင် T-shirt များဝတ်ဆင်၍ လမ်းလျှောက်ခြင်းနှင့် ဆုတောင်းပွဲများပြုလုပ်ခဲ့ကြောင်း ဒေသခံ တဦးက ပြောသည်။

“တောင်ကုတ်မြို့ရဲ့မြို့အဝင်အထွက်ကအစ ပိတ်ထားပြီး လုံခြုံရေးတွေကို အထူးချထားတယ်၊ မြို့အနီးအနား ကျေးလက်ဒေသအထိ လုံခြုံရေးတွေချ ထားတယ်၊ ဒီကြားထဲက လှုပ်ရှားတက်ကြွတဲ့လူငယ်ထဲက ဦးဥတ္တမနေ့ ကို လုံခြုံရေးအပြည့်ချတဲ့နေရာတွေမှာမလုပ်ဘဲ တခြားနေရာတခုမှာ ဆုတောင်းပွဲ လုပ်ခဲ့တယ်၊ ဒီအတွက် အာဏာပိုင်တွေက ကျေးလက်ဒေသအထိရှာဖွေနေ တယ်” ဟု တောင်ကုတ်ဒေသခံက ပြောသည်။

ထိုလှုပ်ရှားမှုများကြောင့် နယ်မြေခံစစ်တပ်အပါအ၀င် ရဲတပ်ဖွဲ့၊ မီးသတ်နှင့် ကြက်ခြေနီများက ဒိုင်နာကား ၃ စီး ဖြင့် စောင့်ကြပ် ကြည့်ရှုမှုများ ပြုလုပ်ခဲ့ သည်ဟုလည်း ၎င်း က ဆိုသည်။

ထို့အတူ စစ်တွေမြို့တွင်လည်း ယမန်နေ့က ဆရာတော်ဦးဥတ္တမ သီတင်းသုံးနေထိုင်ခဲ့သည့် ရွေစေတီ ကျောင်းတွင် အခမ်း အနားကျင်းပရန် ကြိုးစားခဲ့သော်လည်း ဒေသအာဏာပိုင်များက တားမြစ်ခဲ့သဖြင့် အခမ်းအနားမဖြစ်ခဲ့ကြောင်း သိရသည်။ စစ်တွေမြို့ပေါ်ရှိ ဦးဥတ္တမပန်းခြံသို့ သွားရောက်သူများကို လည်း လုံခြုံရေးများက တားမြစ်ပိတ်ပင်ခဲ့သည်။

သို့သော် နံနက်ပိုင်းမှစပြီး ည၈နာရီ ဝန်းကျင်အထိ ဆရာတော် ဦးဥတ္တမကို လေးစားကြည်ညိုသည့် လှုပ်ရှား သူများက စစ်တွေမြို့ တက္ကသိုလ်ကျောင်းဝန်း၊ ကျောင်းပြင်နှင့် အနီးအနားများတွင် ဦးဥတ္တမ ရုပ်ပုံပါရှိသော T-shirt ဝတ်ပြီး လမ်း လျှောက်ခဲ့ကြကြောင်းနှင့် T-shirt များကို လည်း ဝေငှခဲ့ကြောင်း စစ်တွေဒေသခံ ကျောင်းသား တဦးက ပြောသည်။

“ဦးဥတ္တမနေ့ အခမ်းအနားကျင်းပမှာစိုးလို့ နေရာတိုင်းမှာ လုံခြုံရေးတွေကို အပြည့်ချထားပါတယ်၊ အထူး သဖြင့် ဦးတ္တမ ပန်းခြံနဲ့ ဘုရားကြီးတွေမှာ ပိုပြီးစောင့်ကြည့်နေတယ်၊တက္ကသိုလ်ကျောင်း ဆရာ ဆရာမတွေ ကိုလည်း ကျောင်းသားကို အနီးကပ်စောင့်ကြည့်ခိုင်းထားတယ်”ဟု စစ်တွေ ဒေသခံကျောင်းသား က ပြော သည်။

အတည်မပြုနိုင်သေးသော သတင်းများအရ စစ်တွေမြို့၌ ယမန်နေ့ညက ၂ ဦး နှင့် ယနေ့တွင် ၃ ဦး ဖမ်းဆီး ခံခဲ့ရကြောင်း သိရသည်။

အဆိုပါ ဆရာတော် ဦးဥတ္တမသည် ၁၈၇၉ ခုနှစ် ဒီဇင်ဘာ (၂၇)ရက် တနင်္ဂနွေနေ့၌ ရခိုင်ပြည်နယ် စစ်တွေမြို့ ရှိ ရူပရပ်တွင် ဖခင် ဦးမြ နှင့် မိခင် ဒေါ်အောင်ကျော်တို့မှ မွေးဖွားခဲ့ပြီး ငယ်နာမည် မောင်ပေါ်ထွန်းအောင် ဖြစ် သည်။ ဆရာတော်သည် ငယ်ရွယ်ချိန်အခါကတည်းက ပညာရေးထူးချွန်ခဲ့ရာ အင်္ဂလန်နိုင်ငံတွင် ပညာသင် ယူခွင့်ရခဲ့သော်လည်း မိခင်ကခွင့်မပြု သဖြင့် မသွားရောက်ခဲ့ရပေ။

ဆရာတော်သည် အသက် ၁၆ နှစ်အရွယ်တွင် မိဘများက ရှင်သာမဏေ ၀တ်ပေးရာမှ ရှင်ဥတ္တမ ဘွဲ့အမည် တွင်ခဲ့သည်။ အသက် ၁၉နှစ်တွင် ရဟန်းပြုပြီး နောက်ပိုင်း အန္ဒိယနိုင်ငံ ကာလကတ္တားမြို့သို့ ရဟန်းဝတ်နှင့်ပင် သွားရောက်ခဲ့ရင်း နိုင်ငံ ရေးစိတ်၊ အမျိုးသားရေးစိတ်ဓာတ်များ နိုးကြားခဲ့ခြင်းဖြစ်သည်။

ဆရာတော် ဦးဥတ္တမသည် ဘာသာစကားပေါင်းများစွာကိုတတ်မြောက်ပြီး အန္ဒိယ၊ ဂျပန်၊ တရုတ်၊ ကမ္ဘောဒီး ယား၊ ကိုးရီယား၊ အီဂျစ်နိုင်ငံများနှင့် ဥရောပတိုက်ရှိ ပြင်သစ်နိုင်ငံများ အပါအဝင် အာရှတိုက်မှနိုင်ငံအများ အပြား တို့ကို ခရီးလှည့်လည်ခဲ့သည်။

ထို့နောက် ဆရာတော်သည် ၁၉၂၀ ခုနှစ် တွင် ဗမာတပြည်လုံးသို့ လှည့်လည်ကာ နယ်ချဲ့ဆန်ကျင်ရေး တရားများကို ဟောပြောခဲ့သည်။

ထိုသို့ ဟောပြောမှုဖြင့် ၁၉၂၀ မတ်လ တွင် အလုပ်ကြမ်းနှင့်ထောင်ဒဏ်၁၂ လ အပြစ်ပေးခံရသည်။

ဆရာတော်သည် ၁၉၂၄တွင်လည်း“အစိုးရမကောင်းလျှင်မကောင်းဟု ဝေဖန်ခွင့်ဟာ လူ့အခွင့်အရေးပဲ၊ ဒီအခွင့်အရေးဟာ ငါတို့မှာ ရှိတယ်၊ ငုံ့မခံကြနဲ့” ဟု ပြည်သူများကို လှုံ့ဆော်ဟောပြောခဲ့သည့်အတွက်ကြောင့် ဒုတိယ အကြိမ် ထောင် ၃နှစ် ကျခဲ့ပြီး ၁၉၂၈တွင် တတိယအကြိမ်အဖမ်းခံခဲ့ရသည်။

ထိုအချိန်က ဗြိတိသျှအစိုးရ ဘုရင်ခံချုပ်ကိုလည်း “ဆာ ရယ်ဂျီနယ် ကရက်ဒေါက် မင်းဗမာပြည်မှထွက်သွား ပါ” ဟူသော စာကိုရေးသားပေးပို့ခဲ့သည်။

ဆရာတော်သည် ၁၉၃၉ ခုနှစ် စက်တင်ဘာလ ၉ ရက်နေ့တွင် ပျံလွန်တော်မှုခဲ့ပြီး ပျံလွန်တော်မှုချိန်တွင် သက်တော် ၆၀ နှစ်၊ ဝါတော် ၄၁ ၀ါ ဖြစ်သည်။ ၎င်းသည် ပျံလွန်ချိန်အထိ နယ်ချဲ့အစိုးရကိုဆန့်ကျင်ခဲ့သည်။

ဆရာတော် ဦးဥတ္တမ၏ နယ်ချဲ့တော်လှန်ရေး စိတ်ဓာတ်ကို အတုယူမှုများဖြစ်လာမည်ကို စစ်အာဏာပိုင် များက စိုးရိမ်သည့် အတွက်ကြောင့် ၁၉၈၈ခုနှစ်နောက်ပိုင်းတွင် ဆရာတော်အား မေ့ပျောက်စေရန် အတွက် ရွှေတိဂုံဘုရားအနှီးရှိ ဦးဥတ္တမပန်းခြံ ကို ကန်တော်မင်ပန်းခြံ အဖြစ်ပြောင်းလဲခေါ်ဆိုစေခြင်း၊ စစ်တွေမြို့ရှိ ဦးဥတ္တမပန်းခြံရှိ ဦးဥတ္တမရုပ်တုကိုလည်း မွမ်းမံမှု မရှိခြင်းနှင့် ဆရာတော်ရုပ်တုကို ပူဇော် အရိုအသေပေးမှု များကို တားမြစ်အရေးယူခြင်းများ ရှိသည်ဟုလည်း သိရသည်။

စက်တင်ဘာ ၉ရက်နေ့တွင် ကျရောက်ခဲ့သည့် ၆၉ နှစ်မြောက် ဦးဥတ္တမ နေ့ကို ထိုင်း၊ ဘင်္ဂလားဒေ့ရှ် အစရှိ သည့် ပြည်ပ ရောက် ရခိုင်အမျိုးသားများနှင့် ဆရာတော်ကို လေးစား ကြည်ညိုသူများကလည်း ကြေညာချက် များထုတ်ပြန်ခြင်း၊ အခမ်း အနားကျင်းပခြင်းများ ပြုလုပ်ကြောင်းသိရသည်။
ထိုင်းနိုင်ငံ ဖူးကက်မြို့တွင် ကျင်းပသည့် ဦးဥတ္တမနေ့ အခမ်းအနားတက်ရောက်ခဲ့သော ရခိုင်အမျိုးသား ကိုခိုင်အတ္တက “ဆရာတော်ဦးဥတ္တမဟာ ရခိုင်တမျိုးသားလုံးအတွက်သာမဟုတ်ဘဲ မြန်မာတမျိုးသားလုံး အတွက်ပါ သူရဲကောင်းဖြစ်ခဲ့ ပါတယ်၊ မြန်မာစစ်အစိုးရက အခုလို အမျိုးသားသမိုင်းကနေ ထုတ်ပယ်နေတဲ့ အတွက် ကျနော်အလွန်ပဲ စိတ်မကောင်း ဖြစ်မိပါတယ်” ဟု ပြောသည်။